قصيده تشيب الراس

يا ليتني خدامـة بيـن اياديـك من شان اشوفك كل يوم برضايا


هذي قصيده مؤثرة لأم تشكي حالها بعد ان وداها ولدها (الله يهديه)

للمصحه (دار العجزه) او كما يقااال ( دار النسيان)

والبيت أعلاه يبكي حتى القلب القاسي


اترككم مع القصيده



وين انت يا حمدان امـك تناديـك وراك ما تسمـع شكايـا وندايـا

يا مسندي قلبي على الدوم يطريـ ك ما غبت عن عيني وطيفك سمايـا


هذي ثلاث سنين والعيـن تبكيـك ما شفت زولك زاير يـا ضنايـا

تذكر حياتي يوم اشيلك واداريـك والاعبـك دايـم وتمشـي ورايـا


ترقد على صوتي وحضني يدفيـك ما غيرك احدٍ ساكن فـي حشايـا

واليا مرضت اسهر بقربك واداريك ما ذوق طعم النوم صبح ومسايـا


ياما عطيتك من حناني وبعطيـكت كبر وتكبـر بالأمـل يـا منايـا

لكن خساره بعتني اليـوم وشفيـك واخلصت للزوجه وانا لـي شقايـا


انا ادري انها قاسيـه مـا تخليـك قالت عجوزك مـا ابيهـا معايـا

خليتني وسط المصحه وانا ارجيك هذا جزا المعروف وهـذا جزايـا


يا ليتنـي خدامـة بيـن اياديـك من شان اشوفك كل يوم برضايـا

مشكور يا ولدي وتشكر مساعيـك وادعـي لـك الله دايـم بالهدايـا


حمدان يا حمدان امـك توصيـك اخاف من تلحق تشوف الوصايـا

اوصيت دكتور المصحه بيعطيـك رسالتـي واحروفهـا مـن بكايـا


وان مت لا تبخل علـي بدعاويـك واطلب لي الغفران وهـذا رجايـا

وامطر تراب القبر بدموع عينيـك ما عـاد ينفعـك النـدم والنعايـا


لاحول ولاقوة إلا بالله


اللهم أجعلنا وإياكم من البارين بوالديهم , وأن يعيننا على خدمتهم ورعايتهم , ويجمعنا وإياهم في جنات النعيم

كل من يفعل ذلك

كفاه ان يعرف ان الدنيا صغيرة ومايفعله الان سوف يحصده غدا ،،،

(( واخفض لهما جناح الذل من الرحمة وقل ربي ارحمهما كما ربياني صغيرا ))


نقلته
ودمعتي

بعيوني
لاحول ولا قوته الا بالله شي يحزن

تسلمين اختي ع النقل المميز

وسلمت اناملك ع هذه الابيات المؤثرة

مشكور اخوي ..
الله يعطيك الصحه والعافيه

مشكــــــــــــــــورة ياحبي ع القصيدة اللي تشيب الراااااس ههههههه

يعطيج العاااااااااااااااااااافيه